پشاور: پنجاب سے آٹا سپلائی بند کرنا غیرقانونی،مسئلہ حل نہ ہواتو شاہراہیں بند کردینگے،آٹا ڈیلرز

پشاور: پنجاب سے آٹا سپلائی بند کرنا غیرقانونی،مسئلہ حل نہ ہواتو شاہراہیں بند کردینگے،آٹا ڈیلرز

ویب ڈیسک: خیبر پختونخوا کے اٹا ڈیلر ایسوسی ایشن کی جانب سے پنجاب سے آٹا سپلائی بند کرنا غیرقانونی قرار دیدیا گیا ہے، جبکہ حکومت سے مسئلہ حل کرنے کی اپیل کی گئی ہے، تاہم آٹا ڈیلرز ایسوسی ایشن نے واضح کیا کہ اگر مسئلہ حل نہ ہواتو شاہراہیں بند کردینگے۔
صوبائی آٹا ڈیلرز ایسو ایشن کے سینئر نائب صدر حاجی نثار نے پنجاب حکومت کی جانب سے اٹے کی ترسیل کو بند کرنے کو ظالمانہ اقدام قرار دیا اور کہا ہے کہ پنجاب سوتیلی ماں جیسا سلوک بند کردے۔ خیبر پختونخوا کو آٹا سپلائی بند کرنا غیرقانونی و غیر دانشمندانہ اقدام ہے۔
ان کا مزید کہنا تھا کہ خیبرپختونخوا کے وسائل سب استعمال کررہے ہیں لیکن اٹے جیسی بنیادی ضرورت سے اس صوبے کے عوام کو محروم رکھنا اس صوبے کے عوام کے ساتھ زیادتی کے مترادف ہے۔
انہوں نے کہا کہ ن لیگ کی حکومت جب بھی اقتتدار میں ائی ہے اٹا بحران پیدا ہوجاتا ہے، جس سے سب سے زیادہ خیبر پختونخوا کے عوام ہی متاثر ہوتے ہیں، انکا کہنا تھا کہ حکومت نے اگر اس مسئلے کو فوری حل نہ کیا تو خیبر پختونخوا کی تمام تجارتی شاہراہوں کو مکمل بند کردیا جائے گا۔

Publisher