سعودی عرب: کلاس میں قرآن پڑھانے کے دوران دل کا دورہ پڑنے سے استانی کا نتقال۔

عرب میڈیا کے مطابق گزشتہ جمعرات کو سعودی عرب کے شہر ریاض کے سکول میں ایک استانی ’’شیخا ال مَوَش‘‘ تیسری جماعت کے بچوں کے سامنے قرآن کی تلاوت کر رہی تھیں، تلاوت ختم کرتے ہی وہ اچانک گر گئیں۔ بچوں نے فوری طور پر پرنسپل کو معاملے سے آگاہ کیا جس پر سکول پرنسپل اور دیگر اساتذہ نے استانی کو فوری طور پر ابتدائی طبی امداد فراہم کی اور انہیں اسپتال پہنچانے کے لیے ایمبولینس کا انتظام کیا لیکن وہ جانبر نہ ہو سکیں۔

جاں بحق ہونے والی استانی ’’شیخا‘‘ کے والد نے اللہ کا شکر ادا کرتے ہوئے میڈیا کو بتایا کہ انتقال کے وقت ان کی بیٹی روزے کی حالت میں تھی اور ہر جمعرات اور پیر کا روزہ رکھنا اس کے معمولات میں شامل تھا۔