Categories: Latest News

شمالی وزیرستان کے نوجوان نے ملک بھر میں کم عمر چارٹرڈ اکاؤنٹنٹ کا اعزاز اپنے نام کرلیا

شمالی وزیرستان کے نوجوان نے ملک بھر میں کم عمر چارٹرڈ اکاؤنٹنٹ کا اعزاز اپنے نام کرلیا

قبائلی ضلع شمالی وزیرستان سے تعلق رکھنے والے طالب علم عبدالرحمان خان داوڑ نے تقریباً 17 سال کی عمر میں اے سی سی اے مکمل کرکے اپنی صلاحیتوں کا لوہا منوا لیا۔

عبدالرحمان کی عمر 16 سال اور 11 مہینے ہے، محدود تعلیمی سہولیات اور دشوار حالات کے باوجود عبدالرحمان نے اس عمر میں اے سی سی اے مکمل کرکے پاکستان کے کم عمر ترین چارٹرڈ اکاؤنٹنٹ ہونے کا اعزاز حاصل کرلیا۔

اس سے قبل پاکستان میں کم عمری میں اے سی سی اے مکمل کرنے والی کراچی کی طالبہ ثمیرہ تھیں جنہوں نے 17 سال 8 ماہ کی عمر میں اے سی سی اے مکمل کیا تھا تاہم اب وزیرستان کے نوجوان عبدالرحمان داوڑ نے اس اعزاز کو 16 سال 11 مہینوں میں مکمل کرکے ایک نئی مثال قائم کردی۔

عبدالرحمان داوڑ نے جیو نیوز کو بتایاکہ ان کا تعلق شمالی وزیرستان تحصیل میرانشاہ سے ہے جہاں تعلیمی سہولیات نہ ہونے کے برابر ہیں لیکن اس کے باوجود انہوں نے محنت، مستقل مزاجی اور غیر معمولی ذہانت کے ذریعے یہ کامیابی حاصل کی۔

عبدالرحمان نے بتایا کہ ان کی بہن بھائی بھی تعلیم یافتہ ہے۔ انہوں نے 16 سال کی عمر میں اے سی سی اے مکمل کیا جبکہ اسی عمر میں آکسفورڈ بروکس یونیورسٹی لندن سے بیچلرز کی ڈگری بھی حاصل کی۔

عبدالرحمان داوڑ کے مطابق انہیں دنیا کے دوسرے کم عمر ترین چارٹرڈ اکاؤنٹنٹس میں شمار ہونے کا اعزاز بھی حاصل ہوا ہے۔ ان کا کہنا تھا ان کی کامیابی کا مقصد صرف ذاتی ترقی نہیں بلکہ دور دراز اور پسماندہ علاقوں کے طلبہ کو یہ پیغام دینا ہے کہ اگر عزم اور محنت ہو تو وسائل کی کمی کامیابی کی راہ میں رکاوٹ نہیں بن سکتی۔

عبدالرحمان داوڑ کے مطابق وزیرستان جیسے علاقوں کے نوجوانوں میں بے پناہ صلاحیت موجود ہے لیکن انہیں مواقع اور رہنمائی کی ضرورت ہوتی ہے۔ عبدالرحمان کا کہنا تھا کہ وہ چاہتے ہیں کہ ان کی کامیابی قبائلی اضلاع کے نوجوانوں خصوصاً طلبہ کیلئے امید اور حوصلے کی علامت بنے تاکہ وہ بھی اعلیٰ تعلیم اور پیشہ ورانہ شعبوں میں آگے بڑھ سکیں۔

Publisher 

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

11 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

1 day ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago