Categories: Latest News

پشاور: اسلامیہ کالج یونیورسٹی واقعہ، خاتون لیکچرر سے ہراسانی کے معاملے میں تین طلبہ معطل

پشاور: اسلامیہ کالج یونیورسٹی واقعہ، خاتون لیکچرر سے ہراسانی کے معاملے میں تین طلبہ معطل

 اسلامیہ کالج یونیورسٹی پشاور کی خاتون لیکچرار کے ساتھ بدتمیزی کے واقعے کے بعد انتظامیہ نے کارروائی کرتے ہوئے تین طلباء کو معطل کر دیا ہے۔

کالج کی جانب سے جاری نوٹیفکیشن کے مطابق ڈسپلنری کمیٹی کی ابتدائی رپورٹ میں واقعے میں تین طلباء کے ملوث ہونے کی نشاندہی کی گئی ہے، جس پر انہیں دو ہفتے کے لیے معطل کیا گیا ہے۔

نوٹیفکیشن میں کہا گیا ہے کہ معطل طلباء کو ڈسپلنری کمیٹی کے حتمی فیصلے تک یونیورسٹی میں داخلے کی اجازت نہیں ہوگی اور کمیٹی کو مقررہ وقت میں کارروائی مکمل کرنے کی ہدایت کی گئی ہے۔

دوسری جانب ٹیچنگ اسٹاف ایسوسی ایشن کے مطابق معاملے پر جاری ہڑتال موخر کر دی گئی ہے جبکہ 8 جون تک تمام تعلیمی سرگرمیاں بحال رہیں گی۔

یاد رہے اسلامیہ کالج یونیورسٹی پشاور انتظامیہ کے مطابق خاتون لیکچرر کے ساتھ ہراسانی کا یہ واقعہ 12 مئی کو دوپہر کے وقت ٹیسٹ کے دوران پیش آیا تھا۔

جس کے  بعد خاتون لیکچرر نے وائس چانسلر کو لکھے گئے خط میں انکشاف کیا کہ شعبہ نباتات میں وہ طلبہ سے ٹیسٹ لے رہی تھیں کہ اس دوران آدھے سے زائد لڑکے کلاس روم میں کھڑے ہوگئے اور ٹیسٹ دینے سے انکار کر دیا۔ طلبہ نے سوالات پر مشتمل پرچے پھاڑ کر ٹیچر کی جانب پھینک دیے۔

خط کے مطابق بدتمیزی کرنے والے طلبہ کمرے سے باہر نکل گئے اور ٹیچر سمیت طالبات کو اندر بند کر دیا۔ بعد ازاں کچھ طلبہ دوبارہ واپس آئے، کلاس روم میں داخل ہو کر دھمکیاں دیں اور انہیں دوپہر 12 بجے تک گھیرے رکھا۔

Publisher 

Recent Posts

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

5 hours ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

9 hours ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

17 hours ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

19 hours ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

20 hours ago

پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے کی جائیدادیں دلوانے کا انکشاف

پشاور میں خواتین کی شکایات پر فوری کارروائی، موقع پر ریلیف اور 4.2 ارب روپے…

22 hours ago