Two 53 MW hydropower projects to be completed in Khyber Pakhtunkhwa this year
پشاور: خیبرپختونخوا حکومت نے صوبے کو توانائی کے شعبے میں خودکفال بنانے کے لیے بڑے اقدامات کرتے ہوئے متعدد منصوبوں کو حتمی مراحل تک پہنچا دیا ہے۔ پی ڈی او کے زیر نگرانی چلنے والے ان منصوبوں سے صوبے کو سالانہ 50 ارب روپے سے زائد آمدنی ہونے کی توقع ہے۔
تفصیلات کے مطابق رواں سال 53 میگاواٹ کے دو پن بجلی منصوبوں کی تکمیل سے 2.4 ارب روپے سالانہ آمدنی حاصل ہوگی، جبکہ اگلے سال 84 میگاواٹ کے گورکھن مٹلتان منصوبے کے مکمل ہوتے ہی بجلی کی پیداوار شروع ہو جائے گی۔ پی ڈی او نے اب تک 172 میگاواٹ کے 8 منصوبے مکمل کر کے صوبے کو 5 ارب روپے سالانہ آمدنی دلانا شروع کر دی ہے۔
حکومت نے 778 میگاواٹ کے 12 نئے منصوبوں پر تیزی سے کام شروع کر رکھا ہے جن میں 300 میگاواٹ بالاکوٹ، 157 میگاواٹ مدین سوات اور 88 میگاواٹ گبرال کالام کے منصوبے شامل ہیں۔ ان کے مکمل ہونے سے 45 ارب روپے سالانہ اضافی آمدنی متوقع ہے۔
توانائی کے محکمے کے سربراہان نے تمام منصوبوں کو وقت پر مکمل کرنے کی ہدایت جاری کی ہے۔ ساتھ ہی 1 لاکھ 30 ہزار غریب خاندانوں کو مفت سولر سسٹم فراہم کرنے کے منصوبے پر بھی جلد کام شروع کیا جائے گا۔
ماہرین کا کہنا ہے کہ یہ منصوبے صوبے کو نہ صرف توانائی کے شعبے میں خودکفال بنائیں گے بلکہ معاشی ترقی کو بھی نئی راہیں دیں گے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…