مکہ مکرمہ:پاکستانی عمرہ زائرکے دل کی دھڑکن دومنٹ بندرہی؛طبّی عملہ نے جان بچالی

سعودی عرب کے طبّی عملہ نے المسجد الحرام ،مکہ مکرمہ میں عمرہ کے مناسک کے دوران میں ایک زائر کی معجزانہ طورپرجان بچالی ہے۔اس پاکستانی عمرہ زائر کی دل کی دھڑکن حیرت انگیز طور پردو منٹ تک بند رہی تھی۔

پاکستانی مریض کےعمرہ کی ادائی کے دوران میں اچانک دل کے وال(ایورٹک والو اسٹینوسس) بند ہوگئے تھے جس سے ان کے خون کا بہاؤ رُک گیا اور ان کے دل کی حرکت بھی بند ہوگئی۔

انھیں فوری طور پرالمسجد الحرام کے اندر واقع اسپتال لے جایا گیا اور ہنگامی طبّی امداد کے بعد وہاں سے مکہ مکرمہ کے شاہ عبداللہ میڈیکل سٹی منتقل کردیا گیا۔

وہاں، طبی عملہ نے مریض کاآپریشن کرنے سے پہلے سی ٹی اسکین سے حالت کی تشخیص کی-اس دوران میں مریض کا مصنوعی تنفس کے نظام کے سہارے جسم اور روح کا رشتہ برقرار رکھا گیا۔

سعودی پریس ایجنسی کی رپورٹ کے مطابق مریض مکمل صحت یاب ہونے تک اسپتال ہی میں رہا ہے۔

via: Al Arabiya Urdu